Në një objekt në zonën e Bit Pazarit në Shkup është gjetur i vdekur A.S., 65 vjeç, i cili kishte shkuar për ta vizituar punonjësin e objektit. Punonjësi B.S. (28) deklaroi se pasi u ngjit në katin e pestë për punë, e informoi A.S. se ashensori nuk funksiononte. Më pas, duke zbritur, dëgjoi alarmin e ashensorit dhe pa që dyert e tij ishin hapur në të gjitha katet. Në katin përdhes, pranë ashensorit, A.S. u gjet i shtrirë në tokë dhe mjeku i ndihmës së shpejtë konstatoi vdekjen e tij. Me urdhër të prokurorit publik, trupi i të ndjerit u dërgua për autopsi për të përcaktuar shkakun e vdekjes. Policia dhe stacioni policor i Bit Pazarit vazhdojnë hetimet për ngjarjen.