Në fshatin Istog të Poshtëm, në zonën pyjore të njohur si “Pylli i Popit”, është gjetur një trup i pajetë që dyshohet të jetë i Beqir Malokut, 68 vjeç, i cili ishte raportuar i zhdukur më 29 shtator 2025. Trupi u zbulua nga vëllai i tij dhe nuk duket të jetë i freskët, duke ngritur dyshime se vdekja mund të ketë ndodhur javë apo muaj më parë. Pas gjetjes, njësitë policore dhe hetuesit kanë dalë në vendngjarje dhe kanë nisur procedurat për identifikimin dhe zbardhjen e rrethanave të ngjarjes. Trupi pritet të dërgohet në Institutin e Mjekësisë Ligjore për ekzaminime të mëtejshme që do të përcaktojnë shkakun e vdekjes dhe identitetin përfundimtar, ndërsa hetimet janë ende në zhvillim.