Mbrëmjen e 14 majit në Prishtinë, 25-vjeçari Harbin Vitija, i njohur me nofkën “Plaku”, u plagos rëndë nga persona të maskuar që ende janë në arrati. Ai u dërgua në Klinikën Intensive të Qendrës Klinike Universitare të Kosovës, ku qëndroi për dy javë në koma. Sipas shefit të mjekimit intensive, Shaqir Uka, gjendja e pacientit është stabilizuar gradualisht, ai është larguar nga aparatura mjekësore dhe aktualisht është në monitorim, duke marrë trajtim medikamentoz dhe suport me oksigjen shtesë. Vitija është një person i njohur për organet e rendit, i përfshirë në raste të ndryshme kriminale që nga viti 2016, por konsiderohet i pafajshëm derisa të vendoset ndryshe nga gjykata.