Në Komunën e Deçanit është mbajtur mbledhja e parë për vitin 2026 e Këshillit Komunal për Siguri në Bashkësi, e kryesuar nga kryetari Bashkim Ramosaj, ku u konfirmua se gjendja e sigurisë në komunë është e qetë dhe stabile. Në takim morën pjesë përfaqësues të Policisë, FSK-së, drejtori i Shërbimeve Publike dhe anëtarë të tjerë të këshillit, të cilët diskutuan për organizimin e aktiviteteve të rëndësishme si shënimi i 24 Marsit dhe gara e shijatorëve më 15 mars. Drejtori Izet Zenuni theksoi nevojën për vendosjen dhe mirëmbajtjen e shenjave të komunikacionit dhe funksionalizimin e kamerave të sigurisë në qytet. Përfaqësuesi i Policisë, Adem Çeku, raportoi për 57 raste të regjistruara kryesisht të natyrës së komunikacionit, si dhe masa të shtuar sigurie në shkolla dhe rrugë, duke vlerësuar në përgjithësi një situatë të mirë dhe të qëndrueshme në fushën e sigurisë.