Ratko Mlladiç, krimineli i dënuar për gjenocid dhe krime lufte gjatë luftërave në ish-Jugosllavi, është në gjendje shumë të rëndë shëndetësore dhe afër vdekjes. Avokatët e tij kanë kërkuar nga një gjykatë e OKB-së lirimin e tij të përkohshëm ose me kusht, duke argumentuar se ai është i shtrirë në shtrat ose në karrocë me rrota dhe ka pësuar një goditje të dyshuar në tru, që e ka lënë pothuajse të paaftë për të folur. Ata theksojnë se kujdesi në qendrën e paraburgimit nuk është i mjaftueshëm dhe mbajtja e tij përbën një “ndëshkim mizor dhe çnjerëzor”. Ndërkohë, grupet boshnjake që përfaqësojnë viktimat kundërshtojnë fuqishëm lirimin e tij, duke e konsideruar këtë si një taktike ligjore dhe jo një kërkesë humanitare.