Në orët e hershme të ditës së sotme në Komoran ndodhi një aksident tragjik ku humbi jetën 24-vjeçarja Rea Raka, ndërsa një 18-vjeçare mbeti e lënduar rëndë. E reja u operua urgjentisht në Qendrën Emergjente dhe më pas u transferua në Mjekimin Intensiv Qendror të QKUK-së për trajtim të mëtejshëm. Ajo ka pësuar lëndime serioze në anën e majtë të trupit dhe aktualisht mbahet e fjetur dhe nën mbikëqyrje të vazhdueshme mjekësore. Sipas shefit të Mjekimit Intensiv, gjendja e saj është relativisht stabile, por situata mbetet e ndjeshme dhe do të njoftohen detaje të reja në të ardhmen.