Këngëtari i njohur shqiptar Gjesti ka dorëzuar kallëzim penal ndaj kompanisë “Onima”, stafit dhe bashkëpunëtorëve të saj, për nënshkrimin pa dijeninë dhe autorizimin e tij të një kontrate mbi të drejtat e autorit të veprave të tij. Ky veprim është ndërmarrë në konsultim me avokatët e tij, Artan Çerkini dhe Burzim Azemi. Gjesti ka theksuar se kërkesa e tij nuk është më shumë se kthimi i parave që i takojnë dhe liria e tij. Ai ka deklaruar para mediave se nuk kërkon asgjë më tepër, vetëm të drejtat e tij financiare dhe personale të respektohen.