Këngëtari i njohur Besart Kelmendi, i njohur si Gjesti, është vendosur në paraburgim për një muaj, pas dyshimeve për disa vepra penale që përfshijnë kanosje, dëmtim të pasurisë dhe mbajtje të paautorizuar të armëve. Konflikti i tij ka lidhje me pronarin e kompanisë muzikore “Onima” dhe çështje financiare që lidhen me projektet e artistit. Lajmi ka shkaktuar reagime të shumta në rrjete sociale, ku figura të ndryshme publike kanë shprehur mbështetjen e tyre për Gjestin. Një mbështetje e veçantë erdhi nga modelja Xheneta Fetahu, e cila ka ndarë një postim në rrjetet sociale për të treguar solidaritetin e saj ndaj artistit, me të cilin ka pasur edhe një lidhje të shkurtër më parë.