Policia ka dhënë detaje lidhur me rastin e të zhdukurit B.M. nga Istogu, i cili u gjet i vdekur pas disa muajsh nga zhdukja e tij gjatë verës së vitit të kaluar. Sipas raportimeve, B.M. kishte dalë nga shtëpia për të shkuar në një aheng tek motra e tij dhe më pas nuk u kthye më. Zëdhënësi i Policisë për rajonin e Pejës, Fadil Gashi, ka bërë me dije se trupi i gjetur është dërguar në Institutin e Mjekësisë Ligjore për obduksion. Rasti po trajtohet si një hetim i vdekjes, ndërsa autoritetet vazhdojnë punën për zbardhjen e plotë të ngjarjes.