Gjatë periudhës 31 korrik – 6 gusht 2026, Policia Rajonale e Gjilanit ka shqiptuar 1,966 gjoba për shkelje të ndryshme në trafik, duke përfshirë 26 gjoba për përdorim të telefonit gjatë drejtimit të automjetit dhe 79 për drejtuesit e motoçikletave. Në këtë periudhë janë hetuar gjithsej 72 aksidente trafiku, prej të cilave 25 me persona të lënduar dhe 47 me dëme materiale. Policia ka marrë masa edhe ndaj 53 drejtuesve të cilëve u është ndaluar drejtimi i mjeteve motorike, ndërsa ka shqiptuar 14 gjoba për zhurma të panevojshme gjatë natës. Autoritetet kanë bërë apel për respektimin e rregullave dhe shmangien e veprimeve që shqetësojnë banorët, duke theksuar se kontrollet do të vazhdojnë për të garantuar rendin dhe sigurinë në trafik.