Komuna e Gjilanit ka nisur kontrollet sistematike shëndetësore për nxënësit e klasave parafillore, të parë dhe të pestë. Ky proces u ndoq nga afër nga drejtoresha për Shëndetësi dhe Mirëqenie Sociale, Mimoza Kadriu Qerimi, së bashku me zv. drejtoreshën e Qendrës Kryesore të Mjekësisë Familjare, Dr. Merrushe Ajeti, dhe drejtorin e Arsimit, Jeton Rexhepi. Kontrolli ka për qëllim monitorimin e gjendjes shëndetësore të fëmijëve dhe identifikimin e hershëm të problemeve të mundshme për të siguruar një zhvillim të shëndetshëm dhe mirëqenie më të mirë. Kontrollimet po realizohen nga ekipet profesionale të Qendrës Kryesore të Mjekësisë Familjare sipas planifikimit të përcaktuar dhe përfshijnë të gjithë nxënësit e niveleve të përmendura.