Ilir Meta, kreu i Partisë së Lirisë, ka kërkuar më 2 mars 2026 ndryshimin e masës së sigurisë nga “arrest në burg” në një masë më të butë. Kërkesa e tij u shqyrtua nga Gjykata e Posaçme e Shkallës së Parë për Korrupsionin dhe Krimin e Organizuar, me trup gjykues të përbërë nga gjyqtarja Irena Gjoka. Më 6 mars 2026, gjykata vendosi të deklarojë kërkesën e Ilir Metës të papranueshme, pasi përfaqësuesit ligjorë të tij hoqën dorë nga shqyrtimi i saj gjatë procesit gjyqësor. Ilir Meta ndodhet në masën e sigurisë “arrest në burg” që prej 21 tetorit 2024, dhe kundër këtij vendimi mund të bëhet ankim brenda pesë ditëve në Gjykatën e Posaçme të Apelit për Korrupsionin dhe Krimin e Organizuar.