Një person në Prishtinë është gjobitur me 200 euro pasi u kap duke hedhur mbeturina në hapësirë publike, njofton Komuna e Prishtinës. Drejtoria e Inspekcionit thekson se ndotja e qytetit është një shkelje e rregullave dhe një papërgjegjësi qytetare që do të ndëshkohet me masa ligjore. Kontrolli dhe monitorimi i hapësirave publike do të vazhdojnë në mënyrë të rregullt për të parandaluar dëmtimin e ambientit. Komuna apelon që të gjithë qytetarët të kontribuojnë në mbajtjen e pastërtisë së qytetit, duke e konsideruar këtë përgjegjësi kolektive.