Kompania Rajonale e Mbeturinave “Pastrimi” ka alarmuar për ndotjen e vazhdueshme në fshatin Trudë, ku pavarësisht pastrimeve të shumta, mbeturinat vazhdojnë të grumbullohen në hapësira publike. Përmes një reagimi publik, kompania ka paralajmëruar se personat që hedhin mbeturina në mënyrë të papërgjegjshme do të gjobiten me 500 euro dhe do të publikohen fotografitë e tyre. “Pastrimi” u bën thirrje qytetarëve të tregojnë përgjegjësi dhe të respektojnë rregullat për ruajtjen e mjedisit, duke theksuar se vetëm me bashkëpunim mund të ruhet pastërtia. Ky apel vjen si një paralajmërim për të parandaluar ndotjen dhe për të mbrojtur ambientin në zonën e Trudës.