Një drejtues mjeti lundrues Jet Ski është gjobitur me 500 mijë lekë pasi ka shkelur perimetrin e sigurisë në zonën e larjes së pushuesve në Ksamil, duke rrezikuar jetën e tyre. Policia Kufitare dhe Njësia Policore Detare kanë ndërhyrë menjëherë për të ndaluar mjetin dhe kanë bllokuar Jet Ski-n pas përfundimit të procedurave administrative. Ngjarja u konstatua gjatë patrullimit në sektorin detar të “Ishujve të Ksamilit”. Autoritetet bëjnë apel për respektimin e rregullave të lundrimit dhe vijojnë kontrollet për të garantuar sigurinë e pushuesve përgjatë vijës bregdetare.