Policia Kufitare dhe Njësia Policore Detare në Dhërmi kanë ndëshkuar me gjobë pronarin e një mjeti lundrues tip Jet Ski, pasi ai i dha me qira mjetin një 12-vjeçari. Gjatë kontrolleve në zonën përballë plazhit të Dhërmiut, u konstatua se drejtuesi i Jet Skit ishte një i mitur, ndërsa mjeti nuk kishte dokumentacionin e detyrueshëm në bord. Për shkeljet e konstatuara, pronarit M. Xh. iu vendos një gjobë prej 10 mijë lekësh të rinj dhe mjeti lundrues u bllokua. Policia apelon që mjete lundruese të mos jepen në përdorim personave që nuk plotësojnë kushtet ligjore, duke theksuar rrezikun për jetën e të miturve dhe sigurinë e pushuesve në det.