Inspektorati Komunal i Kamenicës, në bashkëpunim me Policinë e Kosovës, ka identifikuar dhe gjobitur me 200 euro një person që hodhi mbeturina në rrugën që lidh fshatrat Muçivërc dhe Krenidell. Identifikimi u bë përmes kontrolleve dhe monitorimit me dronë në hapësirat publike. Personi i gjobitur është detyruar të largojë mbeturinat brenda 5 deri në 7 ditësh, ndërsa në rast të mosrespektimit të afatit, Komuna paralajmëron masa të tjera ligjore. Kontrolli dhe monitorimi i zonës do të vazhdojnë për të parandaluar hedhjen e mbeturinave dhe ndezjen e zjarreve në mënyrë të palejuar.