Inspektorati i Komunës së Prishtinës ka shqiptuar një gjobë prej 500 eurosh ndaj një qytetari të kapur duke hedhur mbeturina në mënyrë të paligjshme në një hapësirë publike gjatë orëve të vona të natës. Ky rast u zbulua gjatë kontrolleve të rregullta që po zhvillohen nga Drejtoria e Shërbimeve Publike dhe Inspektorati, të cilët vijojnë aksionet për menaxhimin e mbeturinave dhe ruajtjen e pastërtisë në lagjet e kryeqytetit. Megjithë këto përpjekje, ende ka qytetarë që shkelin rregullat duke ndotur hapësirat publike dhe dëmtuar mjedisin. Komuna ka paralajmëruar se kontrollet do të intensifikohen dhe të gjithë shkelësit do të përballen me masa ndëshkuese sipas ligjit në fuqi.