Njësiti i Trafikut të Kryeqytetit në Prishtinë ka shqiptuar gjobë ndaj një drejtuesi kamioni për ndotje të rrugës, i cili u identifikua përmes kamerave të monitorimit. Gjobë prej 300 eurosh është shqiptuar edhe ndaj firmës ku punon drejtuesi, në emër të personit juridik, për mos sigurim të ngarkesës. Policia e Kosovës njofton se kontrollet do të vazhdojnë ndaj të gjithë pjesëmarrësve në trafik që shkelin rregullat dhe rrezikojnë sigurinë apo ndotin ambientin. Përmes këtyre masave, Policia apelon për respektim të ligjit dhe përgjegjësi gjatë qarkullimit rrugor.