Gjykata e Apelit ka dënuar me burgim të përjetshëm Isuf Hasën, i akuzuar për vrasjen e fqinjit të tij, Xhemal Metës, gjatë një akti vjedhjeje që përfundoi me pasoja fatale. Hetimet zbuluan se viktima humbi jetën si pasojë e goditjeve të forta në kokë me çekiç, ndërsa Hasa pranoi se kishte sulmuar Metën pas një konflikti të gjatë mes tyre, pas një kafeje të përbashkët në mëngjes. Sipas prokurorisë, Hasa kryen veprën penale të "Vjedhjes me pasojë vdekjen", duke i marrë edhe paratë viktimës pas sulmit. Gjykata e Apelit e konsideroi këtë krim si shumë të rëndë dhe dha dënimin maksimal për autorin.