Gjykata e Apelit ka vendosur të kthejë në rigjykim rastin e njohur si “Brezovica 1”, ku të akuzuar janë Dragomir Milosavljeviq, Hysni Bajrami dhe Labinot Vitija. Apeli ka vlerësuar se Gjykata Themelore në Ferizaj nuk ka analizuar në mënyrë të veçantë provat e administruara, duke bërë vetëm një përshkrim të përgjithshëm dhe pa lidhur provat me elementet përbërëse të veprës penale për secilin të pandehur. Në shkallën e parë, Milosavljeviq dhe Bajrami ishin dënuar me nga një vit burgim dhe ndalim ushtrimi të funksioneve publike për një vit, ndërsa Vitija me një vit burgim për ndotje dhe degradim të mjedisit. Në këtë çështje akuzohet edhe Gentjan Sula, i cili po gjykohet veçmas nga tre të tjerët.