Gjykata Themelore në Pejë ka liruar nga akuza xhudistin Akil Gjakovën, i cili ishte akuzuar për dhunë në familje në vitin 2024. Pas shqyrtimit gjyqësor, ai u shpall i pafajshëm sipas nenit 363 të Kodit të Procedurës Penale të Kosovës, ndërsa shpenzimet e procedurës penale do të mbulohen nga buxheti i gjykatës. Akil Gjakova ishte dorëzuar në polici në prill 2024, pasi ishte shpallur në kërkim nga bashkëshortja e tij, e cila kishte pretenduar se kishte përjetuar dhunë fizike dhe psikike gjatë marrëdhënies së tyre. E dëmtuara është udhëzuar që kërkesën pasurore-juridike ta ndjekë në procedurë civile.