Në shënim të Ditës së Kushtetutës, Gjykata Kushtetuese do të organizojë më 8 prill aktivitetin "Dita e Gjykatës së Hapur", ku qytetarët, veçanërisht studentët e drejtësisë dhe komuniteti juridik, do të kenë mundësi të vizitojnë ambientet e saj. Vizitorët do të njihen me historikun, punën dhe kompetencat kushtetuese të Gjykatës, duke pasur akses në Gjykatore, Bibliotekë dhe zyrat e gjyqtarëve. Vizitat do të zhvillohen në grupe deri në 15 persona, çdo orë nga ora 10:00 deri në 14:00, me kohëzgjatje maksimale 45 minuta. Të gjithë vizitorët mbi 16 vjeç duhet të paraqesin dokument identiteti në recepcion, ndërsa fotografimi do të lejohet vetëm në Gjykatore dhe oborrin e ndërtesës.