Gjykata Supreme ka refuzuar kërkesën e prokurores M.K. – G. për shfuqizimin e dispozitave që rregullojnë zgjedhjen e anëtarëve prokurorë të Këshillit Prokurorial të Kosovës (KPK). Gjykata vlerësoi se dispozitat që synojnë përfaqësimin gjinor dhe shumetnik nuk vendosin kushte të reja për kandidim, por janë masa pozitive dhe e përkohshme për të siguruar barazinë dhe pluralitetin në përbërjen e KPK-së. Ato janë në përputhje me ligjin për barazi gjinore, konventat ndërkombëtare dhe standardet e Gjykatës Evropiane për të Drejtat e Njeriut. Gjykata theksoi gjithashtu se votimi dhe zgjedhja e anëtarëve nga Konferenca e Përgjithshme e Prokurorëve janë ligjore dhe se paditësja nuk u diskriminua pasi i përkiste të njëjtës gjini dhe etni si kundër-kandidatja dhe pati mundësinë të kandidojë, por nuk mori votat e nevojshme.