Më 9 mars 2026, Paneli i Gjykatës Supreme të Dhomave të Specializuara rrëzoi në tërësi kërkesën e Pjetër Shalës për mbrojtje të ligjshmërisë, duke refuzuar pretendimet për shkelje në Aktgjykimin e Apelit të shpallur në korrik 2025. Paneli, i përbërë nga gjykatësit Ekaterina Trendafilova, Kristinë van den Vajngart dhe Daniel Fransen, konstatoi se nuk ishte shkelur e drejta për gjykim të drejtë, ligji penal apo procedurat dhe deklaroi të papranueshme disa prej pikave të paraqitura nga mbrojtja. Pjetër Shala, ish-pjesëtar i Ushtrisë Çlirimtare të Kosovës, ishte dënuar më 2024 me 18 vjet burgim për krime lufte, përfshirë ndalim arbitrar, torturë dhe vrasje të paligjshme në Kukës të Shqipërisë gjatë vitit 1999. Ky vendim i Gjykatës Supreme konfirmon ligjshmërinë e procesit gjyqësor dhe dënimin e Shalës.