Pas 27 vjetësh nga përfundimi i luftës në Kosovë, drejtësia për krimet e luftës përballet me sfidën e mungesës së të akuzuarve në sallat e gjykatës. Ndryshimet në Kodin e Procedurës Penale kanë mundësuar gjykimet në mungesë, një mekanizëm juridik që synon të shmangë zvarritjen e proceseve dhe të sigurojë dënimin e personave të dyshuar, kryesisht pjesëtarë serbë të policisë dhe ushtrisë. Avokati Tomë Gashi thekson se, megjithëse këto gjykime janë një zgjidhje e nevojshme, efekti i tyre është më i vogël krahasuar me rastet kur të akuzuarit janë prezentë, ndërsa mungesa e bashkëpunimit juridik me Serbinë dhe mospranimi i pavarësisë së Kosovës nga ana e saj e vështirësojnë ndjekjen penale.