Në Gjykatën Themelore në Prishtinë vijon shqyrtimi i çështjes penale kundër Boban Toniqit, i akuzuar për krime lufte ndaj popullsisë civile. Në seancat e fundit dëshmojnë ish-të burgosurit e Burgut të Dubravës, të cilët rrëfejnë për trajtimin dhe dhunën sistematike që kanë pësuar gjatë transferimit dhe qëndrimit në burgje gjatë luftës. Prokuroria Speciale pretendon se Toniq ka qenë pjesëmarrës në torturimin fizik dhe psikik të të burgosurve shqiptarë, duke shkaktuar vuajtje të rënda dhe duke cenuar dinjitetin njerëzor. Në këtë proces janë propozuar si dëshmitarë disa ish-të burgosur që do të ndihmojnë në zbardhjen e së vërtetës mbi shkeljet e pretenduara të së drejtës ndërkombëtare humanitare dhe Konventave të Gjenevës.