Gjykimi për zjarrin në diskotekën Pulse në Koçani, ku humbën jetën 63 persona dhe u lënduan mbi 200 të tjerë, po vazhdon me prezantimin e dëshmive materiale nga prokuroria. Në seancën e fundit janë paraqitur pamje video dhe imazhe që tregojnë gjendjen e objektit gjatë mbrëmjes fatale dhe në vitet e mëparshme të funksionimit të tij. Deri tani, në proces janë dëgjuar dëshmitarë të propozuar nga prokuroria, janë paraqitur gjetjet e autopsisë dhe dokumentacioni mjekësor lidhur me viktimat dhe të lënduarit, ndërsa drejtori i Institutit të Mjekësisë Ligjore ka dhënë dëshminë e tij. Gjykimi po zhvillohet në sallën e Idrizovës, nën drejtimin e gjyqtares Dijana Gruevska-Ilievska, me një ekip prej 15 prokurorësh publikë që përfaqësojnë akuzën.