Sot mbahet seanca e gjyqit në themel për kryetarin e Bashkisë së Tiranës, Erion Veliaj, i cili ndodhet në paraburgim që prej shkurtit të vitit 2025. Ai akuzohet për korrupsion pasiv në 9 raste, pastrim parash, mosdeklarim pasurie, shpërdorim detyre dhe futjen e sendeve në burg. Në gjykatë janë paraqitur avokatët e të pandehurve, përfshirë Plarent Ndrecën, avokatin e Veliajt, si dhe avokati i Ajola Xoxës dhe biznesmeni Elman Abule. Seanca e fundit i dha avokatit Ndreca dy javë kohë për t’u njohur me dosjen hetimore, ndërsa disa të pandehur kërkuan ndarjen e çështjes dhe gjykimin nga një gjykatë tjetër.