Gjyqi i dytë i Hashim Thaçit për tentim-pengim të drejtësisë në Dhomat e Specializuara është shtyrë sërish, pasi fjalët përmbyllëse nuk u dorëzuan më 19 qershor siç ishte parashikuar. Gjyqtari Christopher Gosnell zgjati afatin me kërkesë të mbrojtjes, për shkak të problemeve shëndetësore të njërit prej avokatëve, ndërkohë që fjalët finale mbeten të lidhura me dëshminë e dëshmitarit kryesor të Prokurorisë, Koen Herlaar. Gjykata ka rrëzuar dëshminë e ekspertit holandez që pretendonte se dokumentet e gjetura në shtëpitë e të pandehurve u printuan nga Thaçi, ndërsa ZPS ka apeluar këtë vendim dhe pret epilogun para 3 korrikut. Me shtyrjen e fjalëve përmbyllëse deri pas pushimeve të verës dhe dorëzimin e dosjeve finale brenda tri ditëve nga njoftimi i Apelit, vendimi përfundimtar pritet të merret në fund të vitit, duke u bazuar edhe në fakte të pakontestueshme të publikuara së fundmi nga ZPS.