Një grua me origjinë rumune është arrestuar në Itali pasi mori pa leje mbesën e saj 10-ditëshe nga një spital në provincën e Kazertës. Ajo kishte hyrë në spital dhe kishte marrë foshnjën nga krevati pa njoftuar personelin apo autoritetet, duke ngritur menjëherë alarmin te policia lokale. Pas një kërkimi intensiv, policia rrugore e Firences e ndaloi makinën e saj në autostradën A1, ku u gjet edhe foshnja. Hetuesit dyshojnë se qëllimi i gruas ishte të largohej nga Italia dhe të shkonte në Rumani me foshnjën, ndërsa gjyqtari hetues në Toskanë konfirmoi masën e arrestit ndaj saj.