Në një aksion të koordinuar në pikën kufitare Tabanoc, Drejtoria Doganore e Maqedonisë së Veriut ka sekuestruar 500 mijë euro të fshehura në një bunker të ndërtuar posaçërisht brenda një minibusi. Paratë u zbuluan pas një kontrolli të detajuar me skaner dhe qen doganor, ku u vunë re modifikime të dyshimta në automjetin në pronësi të një agjencie turistike shqiptare. Minibusi transportonte shtatë pasagjerë dhe drejtuesi i tij, shtetasi shqiptar me inicialet Xh.G., është ndjekur penalisht dhe për rastin është marrë vendim nga Gjykata Themelore në Kumanovë. Devizet dhe automjeti janë konfiskuar, ndërsa autoritetet theksuan se çdo përpjekje për transferim të paligjshëm të parave do të sanksionohet ashpër dhe falë profesionalizmit të ekipeve operacioni u realizua me shpejtësi dhe efikasitet.