Policia e Tiranës ka finalizuar operacionin e koduar “Rotondo”, duke goditur një grup kriminal të përfshirë në trafikimin dhe shitjen e armëve të zjarrit. Në kuadër të këtij operacioni, pas një hetimi dy mujor, u arrestuan dy persona, Donati Jaku, 31 vjeç nga Shkodra, dhe Florian Gjeta, 22 vjeç nga fshati Domje, ndërsa një bashkëpunëtor i tyre u shpall në kërkim. Gjatë kontrollit në automjetin tip “Volkswagen” që drejtohej nga Gjeta dhe ku ishte pasagjer Jaku, në zonën e “Rrethit të Freskut”, u sekuestruan 6 pistoleta të markës “Sig Sauer”, të dyshuara të trafikuara nga Mali i Zi me qëllim shitjen në këtë zonë. Përveç armëve, u sekuestruan edhe automjeti dhe 4 celularë, ndërsa hetimet vijojnë për identifikimin dhe kapjen e personave të tjerë të përfshirë në këtë veprimtari kriminale.