Një grup kriminal shqiptar është goditur në Spanjë në një operacion të koduar “Ferdinand”, i organizuar nga policia spanjolle me bashkëpunimin e ngushtë të Policisë Shqiptare. Gjatë këtij operacioni janë arrestuar 5 persona, prej të cilëve 4 janë shtetas shqiptarë, ndërsa janë sekuestruar 10,590 euro, 4 orë dore të markave të shtrenjta dhe një automjet. Policia shqiptare ka finalizuar më parë në janar 2026 operacionin “Aksi”, duke arrestuar një prej anëtarëve të këtij grupi kriminal në Shqipëri, ndërsa gjatë hetimeve janë kryer kontrolle në ambiente në pronësi ose përdorim të pjesëtarëve të grupit. Bashkëpunimi ndërkombëtar vijon për kapjen e dy pjesëtarëve të tjerë të grupit, të shpallur në kërkim ndërkombëtar.