Influencerja e njohur spanjolle Rocio Osorno përjetoi një natë të frikshme kur dy persona të maskuar hynë në banesën e saj për ta grabitur. Në pamjet e sigurisë të publikuara, dëgjohen hajnat duke komunikuar në shqip ndërsa kërkonin sende me vlerë dhe përpiqeshin të largoheshin shpejt nga vendi i ngjarjes. Osorno, e cila po regjistronte materiale për rrjetet sociale, vuri re një dritare të hapur dhe filloi të bërtiste për të paralajmëruar familjarët, ndërsa në vendngjarje mbërriti ish-bashkëshorti i saj dhe patrullat e Gardës Civile. Hetimet janë në vazhdim, ndërsa në zonë janë raportuar edhe raste të ngjashme grabitjesh.