Një grabitje e armatosur në një degë të Bank of America në qytetin Berea, Kentucky, përfundoi tragjikisht me vrasjen e dy punonjësve të bankës, një burrë dhe një grua, të cilët humbën jetën në vendngjarje. Autori, i maskuar dhe i veshur me bluzë me kapuç, u arratis menjëherë pas sulmit, ndërsa policia shtetërore dhe forcat lokale kanë nisur një kërkim të gjerë për kapjen e tij. Në operacion janë përfshirë edhe FBI, helikopterë, dronë dhe qen policie, ndërsa hetuesit po analizojnë pamjet e kamerave të sigurisë dhe mbledhin informacione nga terreni. Banorët janë paralajmëruar të jenë vigjilentë dhe të raportojnë çdo sjellje të dyshimtë, ndërsa shkollat në zonë janë mbyllur përkohësisht gjatë zhvillimit të kërkimeve.