Prokuroria Themelore në Pejë ka ngritur aktakuzë ndaj katër personave të dyshuar për grabitje dhe vjedhje të rëndë, lidhur me ngjarje të ndodhura në janar dhe dhjetor 2025. T.B dhe A.J dyshohet se më 28 janar 2026, nën kërcënimin me mjet të rrezikshëm, kanë grabitur 1,040 euro nga një pikë transferimi parash, ndërsa më 21 dhjetor 2025, T.B dhe A.K kanë marrë 620 euro nga një barnatore. Gjithashtu, T.B akuzohet për tentativë depërtimi me forcë në një barnatore dhe për vjedhje në një lokal tjetër, ku ka marrë para dhe një telefon mobil, duke shkaktuar dëme materiale. E pandehura V.D dyshohet se ka ndihmuar në fshehjen dhe transportimin e grabitësve pas ngjarjes, deri në arrestimin e tyre nga Policia e Kosovës. Prokurori ka kërkuar që të pandehurit të shpallen fajtorë dhe të dënohen sipas ligjit pas përfundimit të procesit gjyqësor.