Një grabitje me armë zjarri ka ndodhur në një argjendari në zonën e Paskuqanit në Kamëz, pranë Tiranës. Dy persona të dyshuar, të armatosur me kallashnikovë, kanë hyrë në argjendari dhe kanë marrë sende me vlerë, duke u larguar më pas me motor. Dyshohet se autorët kanë marrë drejtimin e zonës së Institutit Bujqësor pas ngjarjes, ndërsa Policia e Tiranës ka mbërritur në vendngjarje dhe po punon për identifikimin dhe kapjen e tyre. Ende nuk ka një njoftim zyrtar nga autoritetet, por hetimet vazhdojnë për zbardhjen e plotë të rrethanave të grabitjes.