Një grabitje me armë ka ndodhur më 24 prill 2026 në rrugën “Tafil Zyberaj” në Rahovec, ku një mashkull kosovar është ndaluar nga dy persona të panjohur dhe të maskuar. Nën kërcënimin e armës, ata i kanë marrë viktimës 430 euro para të gatshme, një telefon celular dhe çelësin e veturës. Gjatë incidentit, njëri nga grabitësit ka shtënë me armë në tokë, ndërsa njësitë policore kanë gjetur dhe sekuestruar një gëzhojë në vendin e ngjarjes. Rasti është iniciuar nga prokuroria dhe hetimet vazhdojnë për zbardhjen e plotë të ngjarjes.