Një punëtor i një firme është grabitur të mërkurën pranë rrethrrotullimit të qendrës tregtare “Prishtina Mall” në Prishtinë. Sipas raportimeve të Policisë së Kosovës, ai ishte duke drejtuar automjetin e kompanisë kur u godit nga prapa nga një veturë tjetër dhe u ndalua në vendngjarje. Pas përplasjes, dy persona të dyshuar dolën nga vetura, përdorën sprej ndaj tij dhe i morën një çantë me para të gatshme në vlerë të konsiderueshme, para se të largoheshin në drejtim të panjohur.