Mbrëmjen e 24 marsit në Prishtinë, një taksist rreth 27-vjeçar është sulmuar dhe grabitur gjatë një udhëtimi në rrugën “Kuvendi i Arbërit”. I dyshuari, i panjohur deri më tani, e ka kërcënuar shoferin me një mjet të mprehtë, që dyshohet të ketë qenë thikë, duke i marrë 15 euro para të gatshme dhe duke u larguar në drejtim të panjohur. Viktima ka deklaruar se sulmuesi e ka kapur për qafë dhe e ka vënë në pozitë të pambrojtur, ndërsa Policia e Kosovës ka nisur hetimet për kapjen e tij. Rasti është iniciuar si “Grabitje” me udhëzim të Prokurores për Krime të Rënda dhe mbetet nën hetim.