Një mjet i dyshuar shpërthyes, i cili dyshohet të jetë një granatë dore, është gjetur në fshatin Zhabar të Epërm në Mitrovicë nga një qytetar gjatë mbledhjes së mbeturinave metalike. Pas njoftimit të policisë, njësitet policore kanë siguruar zonën dhe kanë ndërmarrë veprimet fillestare për trajtimin e situatës. Më pas, në vendngjarje ka ndërhyrë njësia e specializuar për deminim, e cila ka larguar në mënyrë të kontrolluar dhe pa incidente mjetin shpërthyes. Rasti është iniciuar si “Mbajtje në pronësi, posedim, kontroll apo shfrytëzim i paautorizuar i armës”, ndërsa hetimet vazhdojnë për të sqaruar origjinën dhe rrethanat e gjetjes së granatës.