Më 27 shkurt 2026, rreth orës 04:50, në rrugën “Jeton Terstena” në Vushtrri është hedhur një granatë dore në oborrin e një shtëpie të pabanuar, duke shkaktuar dëme materiale. Njësia “Bomb Squad” dhe hetuesit rajonalë kanë dalë në vendin e ngjarjes për të identifikuar mjetin shpërthyes dhe për të dokumentuar provat. Pas hetimeve intensive nga Sektori Rajonal i Hetimeve në Mitrovicë Jug, janë arrestuar dy të dyshuarit, Kushtrim Beqiri dhe Albin Beqiri, të cilët janë intervistuar në prezencë të avokatëve mbrojtës dhe janë ndaluar fillimisht për 48 orë. Pas paraqitjes para gjykatësit të procedurës paraprake, ndaj tyre është caktuar masa e paraburgimit prej 30 ditësh, ndërsa hetimet për rastin vazhdojnë.