Greqia po harton rregullore të reja për skuterët elektrikë pas një vale aksidentesh të rënda që kanë ndodhur së fundmi. Ministri i Rendit Publik, Michalis Chrysochoidis, njoftoi se një nga masat kryesore do të jetë ndalimi i përdorimit të skuterëve për personat nën 18 vjeç, për të rritur sigurinë në rrugë. Përveç kësaj, do të vendoset sigurimi i detyrueshëm për të gjithë skuterët, duke përfshirë edhe ata me qira, për të garantuar kompensimin e dëmeve në rast aksidenti. Një tjetër masë do të përqendrohet në rregullimin e parkimit të skuterëve, duke i detyruar bashkitë të zbatojnë rregulla më të rrepta dhe të kufizojnë lejet e funksionimit për të përmirësuar sigurinë e këmbësorëve.