Të dielën në Rahovec, një grua është dërguar pa shenja jete në Qendrën Kryesore të Mjekësisë Familjare (QKMF). Sipas policisë, viktima është gjetur e shtrirë në shtëpinë e saj nga një dëshmitar, ndërsa vdekja u konstatua nga mjeku kujdestar në vendin e ngjarjes. Njësitë përkatëse policore kanë dalë për të hetuar rrethanat e ngjarjes, ndërsa me vendim të prokurorit trupi i pajetë është dërguar në Institutin e Mjekësisë Ligjore për ekspertizë të mëtejshme. Hetimet vazhdojnë për të sqaruar shkaqet e vdekjes së gruas.