Kërkimet për një grua të moshës së mesme që është raportuar e zhdukur në Deçan vazhdojnë intensivisht në disa zona, përfshirë Llukën dhe bregun e Lumbardhit. Fidan Abazi nga Shërbimi për Kërkim-Shpëtim ka bërë me dije se gruaja nuk është hera e parë që largohet nga shtëpia dhe është paraqitur më parë si e zhdukur. Ai gjithashtu ka njoftuar se gruaja vuan nga depresioni, gjë që rrit shqetësimet për gjendjen e saj. Autoritetet shpresojnë që ajo të gjendet shëndosh e mirë dhe po vazhdojnë kërkimet me përkushtim në terren.