Një 30-vjeçare nga Malisheva, Mimoza Metaj, është duke u hetuar nga Policia e Kosovës pasi dyshohet se ka marrë fëmijët dhe është larguar në Francë pa pëlqimin e ish-bashkëshortit të saj. Ish-bashkëshorti, 36-vjeçari H.I., ka denoncuar rastin dhe ka kërkuar ndërhyrjen e organeve kompetente, duke theksuar se prej largimit nuk ka pasur asnjë kontakt me fëmijët. Çifti ndodhet në proces ndarjeje, ndërsa Prokurori kujdestar ka urdhëruar nisjen e hetimeve për veprën penale të marrjes apo mbajtjes së kundërligjshme të fëmijës. Hetimet janë në vazhdim për të sqaruar rrethanat dhe për të marrë masat ligjore të nevojshme.