Në rrugën "Iliria" në Tetovë, një grua ka rrahur fëmijën e saj të moshës rreth tre-katër vjeç dhe më pas e ka lënë në rrugë. Kalimtarët e rastit ndërhynë për të mbrojtur fëmijën, por nëna u largua me një karrocë ku kishte një fëmijë tjetër të mitur. Policia dhe Qendra për Punë Sociale janë njoftuar menjëherë dhe po punojnë për identifikimin dhe zbardhjen e plotë të ngjarjes. Fëmija i dhënë ndihmë mjekësore është dorëzuar në Qendrën për Punë Sociale në Tetovë, ndërsa prokurori publik është përfshirë në hetime.