Gjykata e Hagës ka vendosur të vazhdojë paraburgimin e Rexhep Selimit, duke argumentuar se ekziston rreziku për ndërhyrje në procesin gjyqësor dhe kryerje të krimeve të tjera. Megjithatë, është rrëzuar pjesërisht argumenti i Prokurorisë së Specializuar për rrezikun e arratisjes, duke theksuar se ky rrezik nuk mjafton për të justifikuar paraburgimin në këtë fazë. Gjykata ka vlerësuar se Selimi mbetet një figurë me ndikim në Kosovë dhe për këtë arsye nuk mund të lirohet, duke marrë parasysh informacionet e siguruara gjatë procesit gjyqësor. Vendimi i gjyqtarit Charles Smith për vazhdimin e paraburgimit do të mbetet në fuqi deri në vendimin e shkallës së parë më 16 shtator, ndërsa palët janë udhëzuar të mos paraqesin kërkesa të reja për rishikim.