Ish-deputeti Haki Abazi ka shprehur mbështetje për nisjen e procesit të identifikimit nga organet e drejtësisë ndaj veprimtarisë së Lule Gjelit në rrjetet sociale. Ai ka deklaruar në emisionin “Debat Plus” se është i gatshëm të dëshmojë dhe të depozitojë dëshmi lidhur me linçimin dhe profilimin që Gjelit i bën individëve dhe proceseve të rëndësishme në vend. Abazi e ka cilësuar këtë veprimtari si një formë propagande dhe dëmtimi të reputacionit, duke e krahasuar me “milicinë e Lëvizjes Vetëvendosje”. Ai thekson rëndësinë e ruajtjes së të drejtës së shprehjes dhe integritetit të medias në një shoqëri demokratike.